Am 14. Juni simmer am Frauestreik. Abem 21. Juni machemer sGaragetor a de Hardbrugg jewils zuesätzlich zu de normale Öffnigszite uf, und zwar chasch du dir neu im Summer au am Samstig frischi Garteblume hole, vo 11-13h.
Slow Flowers vom Zürisee
SLOW FLOWERSWas bedütet das?
DBlueme werdet am Zürisee lokal im Garte abaut. 100% natürlich und saisonal. I de Strüss und Chränz hets immer das, was grad dusse wachst. Mir schaffet ressourceschonend und vo Hand. DVerpackig isch recycle-/kompostierbar. Mir lieferet mit Zug und Velo. Mach mit und post au du dini Blueme nachhaltig. Für Guetschis meldisch di am beste bi üs via Mail, denn stelled mir dir gern eine us.
natürlich, saisonal, regional
ressourceschonend und handgmacht
mit Zug und Velo transportiert
Meh zum Garte
Meh zu de Blueme
